Zaman Si Aki-aki dulu, siapa ada kerbau orang itu digelar ' orang kaya ' . Apa tidaknya, Sang kerbau ketika itu dijadikan mesin buhat ini dan buat itu . Tidak cukup begitu, dijadikan pula kenderaan pikul itu dan ini. Saya masi ingat kalau ke pekan Tandek, bangun mesti seawal jam 4 pagi sebab mau naik kerbau dengan ' ginandar '. Kalau tidak, alamatlah sampai di tamu orang sudah balik atau kehabisan ikan di pasaran. Itu zaman Aki-aki dulu. Hari ini, Sang Kerbau naik pangkat, jadi bos. Tapi sayang, kurus kerempeng sebab inda cukup makan. Tanah orang kampung sudah dipagar, susah kerbau mau masuk. Kalau adapun yang sihat-sihat dan gemuk, kebanyakannya ditumbang untuk kenduri kahwin. Harga jangan tanya, kalau indada 20 keping not seratus dalam poket, (itupun kita suda pakai ilmu kawan-kawan punya harga), alamat garuk kepala kita ... Apapun, kalau orang kampung macam saya, memang biasa tunggang kerbau ( ala-ala motor zaman sekarang ) siap dengan ' papasutnya ' bikin kasih laju hehehe .... Siuk ba kan, naik kerbau sambil siul-siul lagu zaman pop yeah-yeah .... Gambar ini nasib-nasib lagi bini dapat tangkap baru-baru ini, masa balik kampung...
10 comments:
waa.. masa kici campin juga aku ni drive karabau. mesti ada skill kalu mau turun ke sungai. pigang ikur kalu nda alamat menggelongsor sampai ke tanduk. naik dari sungai pun sama juga sukarnya. selalu juga ni membajak sawah naik krabau ki... tapi eksiden pun pernah gara-gara berlumba. yang aku malas banyak lintah la malakat di badan kerbau tu. limbata bah...
hehehe alaku limbata tidino bo .. bahaya kasawit id sunguh karabau. ya ba ... drive karabau inda paya GDL om lesin
aik aik kamurang pikir aku inda pandai naik karabau ka? Aku pun champion juga ba dulu-dulu naik karabau. M0ngoguring sori id ranau. He he he siok ba betaap lagi sama si babu. tapi aku pula inda sampai ati kasi pasut itu karabau, osianan boh.
aik saya ingat sragang tandik indada kanangan dengan karabau,mongoguring kalau kami dulu-dulu pasta kakaka ... dapat tikus d kasi lantaaa heheh. aragang tandik n si aiso inda perna tu mangalantaaa ....
mangalantaa? nunu keeno?
mangalanta atau monunuh - Bahasa dusun kimaragang ertinya; panggang.
hmmm... ceta kerabau sa tidak ingat tapi sa pernah di kejar mo di tanduk mama sapi yang baru beranak di kampung.. heheeheh..
ooo... saya ada pengalaman makan bosing sama tulanut di rumah si a'al. kawan dia si morubin kawan rapat saya tu masa budak. puluhan tahun suda tiada dengar berita dorang tau.
buli tahan juga pangalaman ko ni aiso .. ingatkan indada sejara mcm sia, itula ba carita kta dulu2 musim kapir. ong yoku tasu nga nakakan oku eee ( monosomu banar ).
itula ba kan ..cherry lips pangalaman. dulu2 sia ikut sia punya odu pi raya d ongkilan ( waktu itu umur baru 11th ),jalan kaki n pikul itu 'pataan'.pulang banyak kuih kami bwa pulang keluarga 'sama' bagi. paling sia takut limpas d rumah ketua kampung sbp sapi dia mengajar nampak itu ' pataan'... ingatkan ada garam.
Post a Comment